جدتي توفاها الله. و الناس عماله تقول لنا ربنا يجعلها اخر الاحزان. رينا يكرمهم جميعا و يديهم الثواب اللي يستحقوه. هما بيحاولوا يخففوا عننا. و أكيد كتير منهم زيي و مش عارفين حتى يقولوا ايه. فبيقولوا الجمل المحفوظة و المتواترة.
بس دي بالذات جملة غلط. و دعاء لو الله استجاب ليه غالبا معناه اننا نموت بعديها على طول. عشان دي الطريقة الوحيدة اللي ما نحزنش بعديها تاني. دي مش اخر الاحزان. و لا هتكون من الاخر الاحزان.
الحياة فيها حزن كتير. و فرح قليل. يمكن أحسن دعوة حد يدعيها هي ربنا يقويك و يهديك الي تقبل قضاؤه بدون أسئلة. ولا اعتراض. بس تقبل قضاء الله سواء في الفرح او في الحزن. و لو وصلت لكده ممكن تبقى دي فعلا اخر الاحزان اللي تهزك. بس مش اخر الاحزان اللي وحزنها.
ربنا يرحمها و يرحم جميع امواتنا و امواتكم.
No comments:
Post a Comment